影片
更多
2020-07-12
162 浏览
今日过黎九龙湾食呢间星期六日先会有半放题自助午餐既餐厅，限时90分钟。拣左一款主食之后就可以任食刺身、寿司、小食、串烧、沙律，任饮日式特饮同汽水。主食拣左三色丼同西京烧银鳕鱼。三色丼有拖罗蓉、海胆、三文鱼籽，份量都唔少，唔系饭多过𩠌，全部都几鲜甜。西京烧银鳕鱼好嫩滑，份量岩岩好，始终要留肚丫嘛。刺身要晒三文鱼、油甘鱼、八爪鱼、鲷鱼、甜虾，每人仲送一只矶煮鲍鱼。全部都几新鲜甜美，唔会切到好薄，任食质素黎讲好高质。寿司要左剑鱼腩、帆立贝、加州卷，全部细细件，好贴心。小食叫左日式蒸蛋、吉列蚝、芝士年糕、芝麻鸡翼、明太子玉子、枝豆、迷你牛肉汤鸟冬，除左三文鱼鳍同面豉汤冇叫之外，哈。日式蒸蛋好滑；第一次食芝士年糕入面既芝士系流心架；明太玉子一定要encore，甜甜地又厚身，好好食。串烧叫晒鸡软骨、免治鸡肉棒、冬菇、厚烧牛舌。厚烧牛舌又系encore之选，好腍；冬菇都唔错。沙律叫左胡麻豆腐沙律、角切鱼生沙律，新鲜爽口。饮品饮左白桃乳酸特饮、巨峰乳酸特饮、橙汁，我就钟意白桃乳酸特饮多啲。
拣左一款主食之后就可以任食刺身、寿司、小食、串烧、沙律，任饮日式特饮同汽水。
主食拣左三色丼同西京烧银鳕鱼。三色丼有拖罗蓉、海胆、三文鱼籽，份量都唔少，唔系饭多过𩠌，全部都几鲜甜。
西京烧银鳕鱼好嫩滑，份量岩岩好，始终要留肚丫嘛。
刺身要晒三文鱼、油甘鱼、八爪鱼、鲷鱼、甜虾，每人仲送一只矶煮鲍鱼。全部都几新鲜甜美，唔会切到好薄，任食质素黎讲好高质。
寿司要左剑鱼腩、帆立贝、加州卷，全部细细件，好贴心。
小食叫左日式蒸蛋、吉列蚝、芝士年糕、芝麻鸡翼、明太子玉子、枝豆、迷你牛肉汤鸟冬，除左三文鱼鳍同面豉汤冇叫之外，哈。日式蒸蛋好滑；第一次食芝士年糕入面既芝士系流心架；明太玉子一定要encore，甜甜地又厚身，好好食。
串烧叫晒鸡软骨、免治鸡肉棒、冬菇、厚烧牛舌。厚烧牛舌又系encore之选，好腍；冬菇都唔错。
沙律叫左胡麻豆腐沙律、角切鱼生沙律，新鲜爽口。
饮品饮左白桃乳酸特饮、巨峰乳酸特饮、橙汁，我就钟意白桃乳酸特饮多啲。
张贴
