牛扒先生 (東港城) (已結業)

最钟意食mr steak既buffet，原来东港城都有分店！虽然唔系海鲜buffet，但都有semibuffet，普通main course加60蚊就可以升级埋自助沙律吧，对于食量大既我绝对系不二之选！晚餐既main course menu非常丰富，有成十几个main course，而外边既沙律吧都好多选择👍🏻朋友拣咗安格斯肉眼，我拣咗龙虾生蚝套餐配西冷扒主菜味道之前先去饮下餐汤食下沙律，今日嘅系蘑菇忌廉汤，餐汤嘅蘑菇非常之多打用咗落去煮汤每啖都系粒粒嘅蘑菇口感非常足料。沙律菜都系一般嘅菜，正餐前食少少菜比较健康。除咗沙律呢度特别在于有胡麻酱冻豆腐，冻豆腐系我必食之选，高蛋白低卡有益。我嘅龙虾生蚝套餐有一份海鲜拼盘，有生蚝、青口、虾同埋蚬，每样海鲜都鲜味十足，生蚝更加系肥美饱满蚝味十足👍🏻主菜嘅龙虾同牛扒都唔输蚀，牛扒我要左五成熟，餐厅对肉嘅熟成度处理得好好，牛肉粉嫩软身，牛味唔错。而芝士焗龙虾都算系肉质饱满，成条肉吉出嚟嘅感觉非常满足，可以大啖大啖放入口，龙虾肉质够爽而且够甜。