新竹園軒

营业中

休息中

新竹园轩系尖沙咀一间新开茶楼，之前妈妈接倒佢嘅传单话想试下，就趁周末带佢黎饮茶。店面同其他连锁茶唔算大，不过坐得都松动唔会好迫。茶钱$15/位，花生$20/碟。鲜虾腐皮卷($38) - 腐皮卷上枱时热辣辣，腐皮煎到脆脆地，中间虾肉爽口，简单蘸喼汁食已经好食。招牌虾饺皇($42) - 虾饺皮唔会太厚，仲隐约见倒入面嘅馅料，虾同猪肉比较各占一半，肉质扎实。山竹牛肉球($34) - 牛肉球好腍好滑。南翔小笼包($38) - 小笼包包皮唔会太厚，但夹起时又唔会好易穿，入面嘅肉馅比平时食倒嘅小笼包多，不过上枱时都几热，最好摊一阵先食。流沙奶黄包($34) - 奶黄包好软熟，掰开入面奶黄好流沙，奶黄味非常香浓。蚝油芥兰($58) - 芥兰冇苦涩味，芥兰茎脆口唔会太老。杨枝金露($34) - 比想像中大碗，入面都好多芒果、碌柚同西米，酸甜度啱啱好。姜茶汤圆($30) - 姜茶重姜味又唔会太辣，汤圆用左宁波汤圆，虽然细粒啲，但汤丸皮好薄好汤，中间芝麻馅好流沙。总结，点心因为系即做，所以全部好够热，座位唔会太迫坐得舒服，招手都好容易叫倒侍应。