碧士文 (東利商業大廈)

营业中

休息中

近排成日OT lunch time 过咗先有得食饭，同同事喺公司附近发现呢间新餐厅，装修唔错，而且坐得舒服，价钱其实都系比茶餐厅贵少少，绝对可以接受。有我最钟意食嘅椒盐猪扒，同茶餐厅大不同，明显摆盘比较精致，不过钟意佢有得可以选择辣度，猪扒上面嘅蒜蓉好香，猪扒厚切有口感，而且味道够香辣，好惹味可以送晒一盒饭，我仲配咗个南瓜汤，非常有惊喜，南瓜汤好香浓，有汤饮，支装咖啡拎返公司饮醒醒神。同事点左另一款葱油厚切猪扒饭，葱油劲香，而且配埋只蛋， 小食点左薯蓉，酱汁系用新鲜肉汁熬制，难怪咁香咁好味。总括嚟讲餐厅绝对高质，不论餐厅装修同用嘅餐具，性价比高，唔可以同附近嘅茶餐厅比较，同事都话可以多啲黎。