影片
更多
2021-07-07
339 浏览
依间餐厅前一排我都成日听到，知佢有两间分店，不过一直未有机会试。咁啱同朋友旺角食饭，朋友之前食过话觉得高质，建议不如再嚟食。餐厅里面其实都算细，不过觉得佢啲装修环境都唔错，有种cozy感觉。佢嘅餐牌选择唔算好多，但望落就样样都几吸引，价钱亦适中，都系$100以内。📍黑椒手撕猪肉三文治配薯条 ($78)首先一嚟到已经觉得佢嘅卖相唔错，啲薯条劲好食，新鲜炸起热辣辣，同埋我觉得调味唔错(估可能系加左盐、香草?!)，我完全系一条接一条食无停过手😂 至于主角面包都整得好出色，面包有烘过所以食落都算脆，pulled pork煮得几淋，配埋啲酸酸甜甜嘅酱汁好开胃，觉得成个配搭好match。因为同朋友share所以每人都唔系分得好多，食完之后依然觉得意犹未尽，想encore。📍黑松露杂菌宽条面($88)依个宽条面一嚟到已经见到好多汁，好creamy，见佢杂菌份量都颇多而且仲有啲芝士喺面，卖相吸引。食落都好重黑松露嘅味，同埋宽面挂汁力都好强，食落香口。我觉得几足料，值得依个价。📍番石榴柠檬苏打($36)另外再叫咗杯饮品，见有好多选择，虽然觉得咖啡拉花好吸引，不过最后都系拣咗饮冻野。平时比较少食番石榴，所
餐厅里面其实都算细，不过觉得佢啲装修环境都唔错，有种cozy感觉。佢嘅餐牌选择唔算好多，但望落就样样都几吸引，价钱亦适中，都系$100以内。
📍黑椒手撕猪肉三文治配薯条 ($78)
首先一嚟到已经觉得佢嘅卖相唔错，啲薯条劲好食，新鲜炸起热辣辣，同埋我觉得调味唔错(估可能系加左盐、香草?!)，我完全系一条接一条食无停过手😂 至于主角面包都整得好出色，面包有烘过所以食落都算脆，pulled pork煮得几淋，配埋啲酸酸甜甜嘅酱汁好开胃，觉得成个配搭好match。因为同朋友share所以每人都唔系分得好多，食完之后依然觉得意犹未尽，想encore。
📍黑松露杂菌宽条面($88)
依个宽条面一嚟到已经见到好多汁，好creamy，见佢杂菌份量都颇多而且仲有啲芝士喺面，卖相吸引。食落都好重黑松露嘅味，同埋宽面挂汁力都好强，食落香口。我觉得几足料，值得依个价。
📍番石榴柠檬苏打($36)
另外再叫咗杯饮品，见有好多选择，虽然觉得咖啡拉花好吸引，不过最后都系拣咗饮冻野。平时比较少食番石榴，所以今次就试下杯番石榴柠檬苏打。番石榴嘅味道都几明显，不过反而唔系好饮到柠檬嘅味道，如果再重啲柠檬味会更好，但整体嚟讲都几fresh。
我觉得依间餐厅食物质素唔错而且又唔算贵，cp值都高。同埋听讲佢嘅menu系会间唔中转，所以都令我有啲期待下次嚟食嘅话会有咩其他菜式，迟啲如果约frd聚餐都会再拣嚟依度食。
张贴
