Hunger Strike (第三街) (已結業)

西營盤一向都多嘢食，尤其由第二街到高街充滿好多異國風情嘅餐廳。今日食嘅就唔係啲太貴嘅鋪頭，而係一間平民價位嘅墨西哥餐廳Hunger Strike（第三街分店）。同其他分店唔同，呢間嘅座位更加少，似乎主要都係外賣客。不過鋪頭內部嘅裝潢都係舒服嘅，木製嘅枱同偏暗嘅燈光依舊帶到一種悠閒嘅感覺。跟住就講下食物啦招牌羊肉墨西哥夾餅套餐｜Hunger Lamb Tacos Combo（$64）羊肉墨西哥夾餅真係非常好食！夾餅好正，唔會太乾太硬，咬落口好舒服，嚼勁唔錯，雖然我買外賣有啲倒汗水整淋咗少少，但食落去依然好好嚼。裡面嘅餡料都好豐富，羊肉煮得香又充滿肉汁就不在話下，而且羊肉處理到細碎就特別易入口，搭埋夾餅好和諧。除咗肉仲有菜之類嘅餡料，口感豐富。另外都想讚下啲薯條，少少波浪型嘅形狀，食落好脆口，而且呢度嘅薯條比起其他鋪頭感覺上更加香，成個氛圍好relaxing。———————————————#hungerstrike Hunger Strike (第三街) (西環)西環西營盤第三街75-85號康和花園地下8號舖