影片
更多
2022-01-13
1240 浏览
每次嚟長沙灣探班，都會順手去呢間高質又平價嘅「燒味滷師」斬料加餸，今次當然亦唔例外。已經專登行左兩個圈，避開人潮，但係返轉頭都仍然見到有街坊喺度等緊外賣，足見店舖真係十分旺場。小店採前舖後工場設計，燒味即燒即出，夠晒新鮮。櫥窗入面掛滿了各式各樣嘅燒味，有燒鵝、燒排骨、雞翼、乳豬，款款都好吸引。另外收銀對面亦擺滿了一盒盒預先準備好嘅手撕雞。買左半隻至尊燒鵝 ($180)、燒味佬叉燒 ($40) 同 半隻原味手撕雞 ($60)，三大盒，斤兩十足，非常墜手。燒鵝每日新鮮燒製，雖然拎到返屋企先至食，但係外皮仍然好香脆，好似食緊薄身嘅薯片咁，鵝肉肥瘦適中，嫩而不柴，充滿肉汁。叉燒賣相亦不錯，雖然唔係件件都有燶邊，但係切得都幾夠厚身，食落好有咬口，而且肉質鬆軟不死實，有蜜味同肉香，又唔會過份油膩。手撕雞有原味同麻辣兩款可供選擇，因為驚屋企人唔食得辣，所以買左原味。睇下雞肉嘅份量幾多，一啲都冇呃秤，肉質嫩滑又不太肥，加上面頭灑左粒粒芝麻，香濃惹味。
每次嚟長沙灣探班，都會順手去呢間高質又平價嘅「燒味滷師」斬料加餸，今次當然亦唔例外。
已經專登行左兩個圈，避開人潮，但係返轉頭都仍然見到有街坊喺度等緊外賣，足見店舖真係十分旺場。
小店採前舖後工場設計，燒味即燒即出，夠晒新鮮。櫥窗入面掛滿了各式各樣嘅燒味，有燒鵝、燒排骨、雞翼、乳豬，款款都好吸引。
另外收銀對面亦擺滿了一盒盒預先準備好嘅手撕雞。買左半隻至尊燒鵝 ($180)、燒味佬叉燒 ($40) 同 半隻原味手撕雞 ($60)，三大盒，斤兩十足，非常墜手。
燒鵝每日新鮮燒製，雖然拎到返屋企先至食，但係外皮仍然好香脆，好似食緊薄身嘅薯片咁，鵝肉肥瘦適中，嫩而不柴，充滿肉汁。
叉燒賣相亦不錯，雖然唔係件件都有燶邊，但係切得都幾夠厚身，食落好有咬口，而且肉質鬆軟不死實，有蜜味同肉香，又唔會過份油膩。
手撕雞有原味同麻辣兩款可供選擇，因為驚屋企人唔食得辣，所以買左原味。睇下雞肉嘅份量幾多，一啲都冇呃秤，肉質嫩滑又不太肥，加上面頭灑左粒粒芝麻，香濃惹味。
张贴
