影片
更多
2019-09-03
57 浏览
以前成日以为皇室堡二楼得bb野卖，一直都无乜点专登行哂成层，原来转角位仲有间食意粉既餐厅，个招牌同埋入面啲酒樽灯都好靓呀！仲有三款二人餐拣，包汤、前菜、主食、甜品同饮品，价钱仲要唔算贵，$268-$368丰俭由人，岩哂唔同Budget既情侣们，人多既话仲有四人餐添，真系几抵食。-法式芝士洋葱汤洋葱汤入面有块面包喺入面浸住，吸哂洋葱汤既精华，面包上面仲有啲芝士添。-特浓南瓜粟米忌廉汤 南瓜味浓郁，粟米味好香甜，虽然个汤煮得好浓郁，仲带少少蓉状，但因为有忌廉所以饮落去依然好顺滑。两个汤入面我中意南瓜汤多啲！-三文鱼凯撒沙律罗马生菜同只碟都雪到冻冰冰，生菜同蕃茄仔都新鲜爽脆，面包粒卜卜脆，蒜味极浓，再加埋有三文鱼，成碟都好好食，推介！-柠檬蜜糖鸡翼烤得岩岩好，咬落去啲肉汁爆哂出黎，味道同我想像中既柠檬蜜糖鸡翼有啲唔同，柠檬味比较突出，同埋酱汁有啲稀，如果杰啲会好食好多。-温泉蛋蒜香蘑菇鲜制意粉店名叫得做Pastaholic又点可以唔试下佢地个意粉呢，店名无改错，意粉的确好食，面质爽滑弹牙带蛋香，捞埋温泉蛋食仲香，而且唔知系咪用重盐水煮过，好入味，但蒜香酱汁有啲稀，不过唔影响味道，配蘑菇好好食
仲有三款二人餐拣，包汤、前菜、主食、甜品同饮品，
价钱仲要唔算贵，$268-$368丰俭由人，岩哂唔同Budget既情侣们，
人多既话仲有四人餐添，真系几抵食。
-
法式芝士洋葱汤
洋葱汤入面有块面包喺入面浸住，吸哂洋葱汤既精华，
面包上面仲有啲芝士添。
-
特浓南瓜粟米忌廉汤
南瓜味浓郁，粟米味好香甜，虽然个汤煮得好浓郁，仲带少少蓉状，但因为有忌廉所以饮落去依然好顺滑。两个汤入面我中意南瓜汤多啲！
-
三文鱼凯撒沙律
罗马生菜同只碟都雪到冻冰冰，
生菜同蕃茄仔都新鲜爽脆，面包粒卜卜脆，蒜味极浓，再加埋有三文鱼，成碟都好好食，推介！
-
柠檬蜜糖鸡翼
烤得岩岩好，咬落去啲肉汁爆哂出黎，
味道同我想像中既柠檬蜜糖鸡翼有啲唔同，
柠檬味比较突出，同埋酱汁有啲稀，如果杰啲会好食好多。
-
温泉蛋蒜香蘑菇鲜制意粉
店名叫得做Pastaholic又点可以唔试下佢地个意粉呢，店名无改错，意粉的确好食，面质爽滑弹牙带蛋香，捞埋温泉蛋食仲香，
而且唔知系咪用重盐水煮过，好入味，但蒜香酱汁有啲稀，不过唔影响味道，配蘑菇好好食。
-
香烤安格斯一口牛柳
食紧沙律个阵已经送到上枱，因为佢系铁板咁烧，所以好惊食完沙律牛柳已经烧到过熟。但原来食落又唔会，肉质松软带肉汁，肉味又浓，唔错。
加上伴碟既薯角比铁板烧完之后变到脆卜卜，好惹味！
-
水果茶
茶味比水果味浓，不过大大杯好抵饮。
-
南非白酒 ＋12
冰冻清爽，唔会有涩味，
+12就有120ml真系值得叫返杯饮下。
张贴
