尚鮮海鮮料理 (已結業)

系朋友嘅介绍下，今晚去试咗呢一间高质嘅打边炉，餐厅唔算好大，但系枱与枱之间嘅距离都好阔下，冇限时间，想同朋友聚旧倾计系一个唔错嘅选择，眼见有四张卡枱，每张卡枱嘅墙上都会有一部迷你嘅电视机添。今晚我哋叫咗个特别嘅炖汤做汤底，叫做川贝海底椰炖鳄鱼排汤，一上个汤底，餐厅嘅职员会一人盛一碗汤俾我哋饮下个汤底先，一饮之下，哗😳 ! 好甜好多材料，我差唔多食晒佢哋汤底入边嘅材料，赞👍🏻，我叫咗一份二人海鲜尚盛，有生蚝有蛏子皇有大虾等，特尚手切牛喺美国牛，好有牛味🤣 ，鲜打四宝丸，全部都系手打丸, 重点推介佢哋嘅鲜炸脆响铃，好大份好厚身，口感一流，再跟埋一份叫做百花酿油炸鬼，好特别，今晚佢哋有生啤买一送一，仲要系冲绳啤酒添，所以我同朋友都每人饮咗一杯，全店职员服务态度个个都好好招呼，会时不时帮你换上另一只新碟，会再返嚟帮衬呢😇