Rimi Cafe (已結業)

💛 一直喜欢支持小店，今次黎左旺角既楼上Cafe 边chill边叹野食。Cafe环境唔错，一边系榻榻米区，有270度靓景，可以俾一大班人放松玩Board game。另一边系卡位区，私隐度高，岩晒同朋友慢慢倾慢慢食。二人套餐($368)食物质素同性价比都好高，水准比一搬楼上Cafe高出唔少。配有餐汤，蒜蓉包，饮品(四季春或乌龙茶系列，其他补差价)，小食同两款主菜。南瓜忌廉汤配蒜蓉包南瓜汤够晒Creamy，味道浓郁，唔系一般罐头汤嘅味道。鸡翼拼盘配薯条 (+$30)大大碟一共18只，鸡翼煎到外脆内软，咬落仲啖啖肉。本身已经有调味，直接食都好够味。配埋蜜糖芥末酱，食落酸酸甜甜更丰富左个层次感。烟三文鱼配忌廉杂菌天使面几有心思，将烟三文鱼摆成玫瑰造型，而且味道唔错，食落满满芝士同忌廉香。天使面口感亦十分爽弹有嚼劲。蒜片牛柳粒以小食黎讲份量一啲都唔少，一口一粒，入口好Juicy亦唔会韧。朱古力诱惑份量好足，卖相吸引，朱古力味道唔会好甜但好浓郁。飘雪 (花茶系列)有桂花，紫罗兰，金盏花等六种花，好香花味，饮落好relax，加埋蜜糖十分滋润。