牛霸王

营业中

休息中

之前见过有人介绍呢个手打和牛汉堡扒饭就心心眼，今晚就有机会去观塘呢个工业大厦食下。餐厅个氛围好有日本感觉，仲不停播住日文歌，好似置身于日本咁。鸡皮饺子 $58有五旧，个外皮好香脆，呢个小食真系好邪恶。手打和牛汉堡兰王蛋饭 $128由上而下，面头有一只生的兰王蛋，跟著系白萝卜蓉，再黎就系我拣左的芥辣青瓜酱，然后系主角手打和牛汉堡扒，最底层系珍珠米，个汁我拣左白面豉汁，和牛汉堡扒好有肉汁，同佢做到好有口感，几有弹性，芥辣青瓜酱完全做到一个清新平衡，中和左和牛个油腻感觉，配合埋个几清爽的白面豉汁食，个饭就好快俾我KO左。🥰🥰咖喱照烧鸡扒饭 $78鸡扒整得好香，鸡皮煎到少少香脆，配菜嘅薯仔份量都几多，咖哩汁带点辣，几好送饭。蜂蜜绿茶 加$5少少甜，几好饮。白桃乌龙 加$15呢个系一壶以热茶形式上，职员话仲可以加热水，饮入口好舒服，有淡淡白桃味。总括而言，呢间系性价比好高的小店。