酒鍋 (天文臺道) (已結業)

晚市开返，第一餐就嚟咗依度食打边炉，之前食过酒锅嘅午市任食觉得几抵食，就订咗位嚟食佢晚市。原来晚市喺单点，款式多质素不错，但份量细，以单点打边炉嚟讲价格稍高。中式装修，几有怀旧北京中菜馆味道，环境非常宽敞，2人坐嘅卡位基本可坐6人。我哋2人食， 叫咗个基本汤底，因为果排热气就选咗莞茜皮蛋锅，汤料都满满🍲一大盘各款酱料俾我地自己慢慢混另外，肉类方面就叫咗2款：挂架安格斯牛小排、黑毛猪腩肉玫瑰花拼盘🌹 牛肉用挂架上，底下是冰块🧊不怕放得耐啲牛肉出晒水变晒色；骤眼睇有10片左右，偏厚身够大片，肉质鲜嫩牛味浓，油花均匀分布，咬落去软熟唔奀，赞👍🏻黑毛猪腩肉就卷成玫瑰花状， 份量很少，只有3旧， 1旧只有4片；肉质不算「鞋」，但雪到硬晒，永不分离咁，要成旧「车」落去个锅先散开。造型靓，打卡一流但食就很不便，扣分👎🏻配菜仲叫咗我最爱嘅蔬菜拼盘🥬虽然得几片，都叫有唔同款式嘅蔬菜：车厘茄、南瓜、椰菜花、粟米仔、生菜、菜心、沙律菜另外仲有肥妈墨汁肠、鸭血、支竹、山根，正常嘢无咩特别；酥炸油炸鬼、蒜蓉鱼皮，够脆口，渌汤或斋食都非常好食；韩式部队锅福袋就不推介，煮极个皮都喺硬，咬落味十分怪👎🏻整体嚟讲，虽然