影片
更多
2022-08-19
81 浏览
一直听闻呢间台式凑凑火锅好好食, 今日去开将军澳终于有机会可以去尝个究竟!餐厅装潢用左新东方设计风格, 刷新我对火锅店固有嘅用餐环境印象, 裹面座位设计有一定隐私度而且坐得舒适, 特别嘅装潢风格要嚟打卡真系一流!入座后职员递上贵妃乌龙茶同埋介绍可到自助吧取酱料及有前菜, 水果提供~今次我地拣左食妆锅 - 红颜花胶鸡锅$198单锅, 职员送上锅底时温馨提示我地可先饮汤及需要不时搅拌以免痴底. 锅底用左花胶，鸡粒熬煮汤底至金黄色，再加入野米、鲍鱼、花菇去提鲜，锅底超足料, 花胶够厚又大块, 味道好鲜味浓郁, 每一口汤都充满胶原蛋白, 十分养颜!荔枝虾球 - 食台式野, 点可以吾叫小食~ 虾球外表真系好似荔枝, 炸到脆卜卜, 咬开内里嘅虾胶就好似荔枝肉咁晶莹剔透, 虾胶亦都好爽口弹牙, 外脆内爽非常有口感！响铃 - 吸晒汤底嘅味道, 可以尝尽汤底嘅精华！丸类拼盘 - 啱晒我同朋友呢D咩都想试, 咁花心嘅人~ 拼盘内有精制牛筋丸, 精制虾丸同埋猪骨浓汤贡丸, 每款丸都好弹牙, 尤其牛筋丸, 好重牛味, 好好食!带子 - 处理得好干净, 好新鲜, 食落肉质鲜甜爽口!日本和牛肩胛肉眼 - 打边
一直听闻呢间台式凑凑火锅好好食, 今日去开将军澳终于有机会可以去尝个究竟!
餐厅装潢用左新东方设计风格, 刷新我对火锅店固有嘅用餐环境印象, 裹面座位设计有一定隐私度而且坐得舒适, 特别嘅装潢风格要嚟打卡真系一流!
入座后职员递上贵妃乌龙茶同埋介绍可到自助吧取酱料及有前菜, 水果提供~
今次我地拣左食妆锅 - 红颜花胶鸡锅$198单锅, 职员送上锅底时温馨提示我地可先饮汤及需要不时搅拌以免痴底. 锅底用左花胶，鸡粒熬煮汤底至金黄色，再加入野米、鲍鱼、花菇去提鲜，锅底超足料, 花胶够厚又大块, 味道好鲜味浓郁, 每一口汤都充满胶原蛋白, 十分养颜!
荔枝虾球 - 食台式野, 点可以吾叫小食~ 虾球外表真系好似荔枝, 炸到脆卜卜, 咬开内里嘅虾胶就好似荔枝肉咁晶莹剔透, 虾胶亦都好爽口弹牙, 外脆内爽非常有口感！
响铃 - 吸晒汤底嘅味道, 可以尝尽汤底嘅精华！
丸类拼盘 - 啱晒我同朋友呢D咩都想试, 咁花心嘅人~ 拼盘内有精制牛筋丸, 精制虾丸同埋猪骨浓汤贡丸, 每款丸都好弹牙, 尤其牛筋丸, 好重牛味, 好好食!
带子 - 处理得好干净, 好新鲜, 食落肉质鲜甜爽口!
日本和牛肩胛肉眼 - 打边炉必须要有肉, 牛肉脂肪散布均匀, 肉质嫩滑, 口感紧致滑顺, 清爽不油腻, 不愧系日本和牛!
蔬菜我地就拣左- 莴笋, 大白菜, 笋尖, 全部都好新鲜, 蔬菜吸入花胶鸡汤, 令味道更鲜甜!
饮品方面我地就拣左冬瓜柠檬同埋经典珍珠奶茶, 超大杯!!! 2杯饮品甜度都啱啱好, 珍珠奶茶茶底好香浓, 入口顺滑; 冬瓜柠檬茶, 比例调配刚好, 饮落清凉消暑!
食食下野, 职员送上沙冰, 食到热辣辣再饮一啖沙冰真系好爽! 临食完野, 职员更送上梅子茶冻作一个HAPPY ENDING! 服务真系好好, 非常贴心~
另外, 店内依家用台湾夜市做主题, 更设有夜市游戏区, 每日 18:00 开始, 折后价计惠顾每满$500就可以玩一次「套圈圈」游戏, 大奖系$1200现金券, 好吸引~
仲有做紧晚上 9 时半后入座就有个宵夜 8 折嘅优惠, 咁好食又咁好玩仲有优惠, 临走时已经同朋友倾紧下次试咩锅底, 一定要择日再食~
张贴
