哈豆

营业中

休息中

✨喺鳄鱼恤买完嘢，就喺附近揾嘢食。呢度附近有几间台湾嘢食，今次就试吓未食过嘅哈豆。✨一出䢂，就见到哈豆两只字啦，好易揾。🤣一打开门就好有惊喜，好有文青小店feel。🍽逢甲咸酥鸡肉燥饭出面嘅盐酥鸡多数都系鸡扒，而呢间系鸡肉粒。相比起鸡扒，咁样反而冇咁肥咁多油，啱晒keep紧fit嘅我哋🤣🙊。鸡肉粒好酥脆，而且好够味。鸡肉粒好少油，食落去冇咩热气嘅感觉。😋😋😋🍽台湾五宝拼盘肉燥饭五宝即系香肠、鸡翅、豆腐、贡丸、花枝丸。一碗饭五个𩠌，超级抵食。啲肉丸大大粒，好足料唔会有食紧粉嘅感觉。🍽 阿华田拿铁小编啱啱收工，而且食完饭去睇戏，所以叫咗咖啡试吓。呢间餐厅啲咖啡好有啡味，饮得出唔系cheap嘅咖啡豆。加上阿华田嘅甜味盖过咗咖啡嘅苦味，好易入口。☕️🍽 蜂蜜柠檬山粉圆呢杯嘢酸酸甜甜，好啱食完重口味食物之后饮。一饮落去好Fresh,而且系用蜂蜜整，所以唔系糖水𠮶只死甜。✨我记得几年前都食过呢间餐厅，但系环境唔同哂，问返餐厅，原来餐厅有两间分店，另一间喺骏业里。而呢间原来最近引入咗台湾电影岀名嘅人物，用璧画呈现。✨因为呢间餐厅嘅装修真系好靓，所以食完嘅都打咗阵卡先走。差少少迟咗睇戏🙊。决定下次再嚟🤣