叁茶陸飯

营业中

休息中

今日系荃湾做义工因为都唔系太熟呢头有咩食就求其入左一间无人排队嘅餐厅。入到餐厅见到装潢好靓都有预感食物唔会平。果然一见到餐牌见到lunch set最平都要$56，第一个感觉就觉得唔太抵食。我同其他朋友最后都嗌左最平嘅肉燥饭同一个大盐酥鸡share。肉燥饭劲大碗，啲肉燥份量都好多，够捞食碗饭。而且都好入味，整体味道唔错。另外饮品嗌左小龙红茶，有朋友就嗌四季春青茶。呢两杯饮品都系跟餐，唔使额外加钱。份量都算多，而且几好饮好清爽，不过个人认为青茶好饮啲。盐酥鸡系几好味，鸡肉好松软。份量真系好大，我地8个人都食唔晒唯一美中不足就系炸粉有啲厚，但好彩都唔会有好油嘅感觉。总结黎讲系不错，呢个价钱有咁大碗饭同特饮都算几好。