好吃吃光

营业中

休息中

两年前新开时嚟过食佢哋个月见海老蚵仔鲁肉饭非常好食，宜家update咗menu，已经出咗加𡌺版「月见海老蚵仔鲑鱼虾籽鲁肉饭」。之前净系食蚵仔大虾捞鲁肉饭已经好好食，宜家仲加埋三文鱼籽、虾籽，多咗一份咸鲜同埋卜卜脆嘅口感。味道就梗系正喇，另外再叫咗块炸排骨，虽然冇隔篱𠮶间舖头摆排骨咁大块，但系身材炸得够脆够香口，唔会浸到腍晒。饮品就叫咗佢哋柠檬蜜糖爱玉，够酸够甜够解渴。另外有试咗佢新出嘅甜品芋圆糖不甩，佢哋嘅芋圆QQ弹弹唔黐牙系好好嘅手工芋圆，糖不甩有花生、芝麻两只口味，我食呢只芝麻好香好浓味，又唔会好甜，饭后叫一碟share啱啱好。