影片
更多
2020-05-19
73 浏览
呢间餐厅一直系我心爱餐厅之一，除左因为佢质素有保证，仲系佢记录左我成长既经历由初初出黎做野仲系薯仔既时候第一次黎食，觉得好好食但好贵，所以大时大节先会黎食😂到依家出左黎做野好几年，物价又上涨，呢到既价钱无大幅上调，百零蚊食餐饭依家都唔系咩大事🤷🏻♀️心境转变左，但呢到既食物质拣依然，所以出亲旺角食饭，无特别想食咩，都系会黎番呢到🥰餐厅装潢走时尚风，餐厅内光明寛敞坐得舒服，气氛唔错，非常岩三五知己倾计聚旧餐牌选择唔少，除左固定食物种类，仲会有期间限定同埋唔同优惠，呢期个买一送一优惠真系超抵食！但因为我地目标明确，谂好晒食咩，所以散叫💡牛油果蕃茄蟹肉配墨西哥脆片一层叠一层，非常精致既头盘😍黑色既鱼子，下面一层系蕃茄沙沙🍅睇落系鱼子，但系咩鱼既鱼子就唔太清楚虽然量唔多，但系喺脆卜卜既口感之后会有佢咸香既味道蕃茄沙沙酸甜得黎有香草味，将成个头盘既freshness提高下一层系我地钟意食既牛油果酱🥑🥑🥑然后最底系蟹肉🦀香浓既牛油果味入口顺滑，微微颗粒带出层次加上蟹肉既鲜甜，配以沙律酱略为调味为头盘带黎浓厚既感觉👍🏻再用墨西哥脆片配黎食，好有引起食欲既作用虽然size唔大，但系配搭得宜既头盘，令人
由初初出黎做野仲系薯仔既时候第一次黎食，觉得好好食但好贵，所以大时大节先会黎食😂
到依家出左黎做野好几年，物价又上涨，呢到既价钱无大幅上调，百零蚊食餐饭依家都唔系咩大事🤷🏻♀️
心境转变左，但呢到既食物质拣依然，所以出亲旺角食饭，无特别想食咩，都系会黎番呢到🥰
餐厅装潢走时尚风，餐厅内光明寛敞
坐得舒服，气氛唔错，非常岩三五知己倾计聚旧
餐牌选择唔少，除左固定食物种类，仲会有期间限定同埋唔同优惠，呢期个买一送一优惠真系超抵食！
但因为我地目标明确，谂好晒食咩，所以散叫
💡牛油果蕃茄蟹肉配墨西哥脆片
一层叠一层，非常精致既头盘😍
黑色既鱼子，下面一层系蕃茄沙沙🍅
睇落系鱼子，但系咩鱼既鱼子就唔太清楚
虽然量唔多，但系喺脆卜卜既口感之后会有佢咸香既味道
蕃茄沙沙酸甜得黎有香草味，将成个头盘既freshness提高
下一层系我地钟意食既牛油果酱🥑🥑🥑
然后最底系蟹肉🦀
香浓既牛油果味入口顺滑，微微颗粒带出层次
加上蟹肉既鲜甜，配以沙律酱略为调味
为头盘带黎浓厚既感觉👍🏻
再用墨西哥脆片配黎食，好有引起食欲既作用
虽然size唔大，但系配搭得宜既头盘，令人食过番寻味。次次都叫佢😝推荐
💡蜜糖芥末鸡翼
小食既炸单骨鸡翼，唯然单骨，但数量唔少
炸得够香口，上枱热辣辣🔥🔥🔥
单骨鸡翼省却左平时食鸡翼既功夫
鸡翼外层香酥且脆，加上蜜糖芥末酱，入口几mild，有芥末味又唔会太呛，非常惹味
忍唔住食完一只接一只🤤🤤🤤
最后再用鸡翼抹干净d酱汁先停手🤣
系热气但又好惹味会食唔停口既小食
💡卡邦尼意粉
黎左咁多次都未试过呢到既卡邦尼意粉
所以主菜叫左黎试，意粉一上，份量都几多，而且望落酱汁好多，直头有d似汤面😂
不过佢酱汁既色水都算浓，入口奶香味充斥口腔
而且浓稠度唔错，唔会又淡又稀，非常够味👍🏻
加上配料都好多，有洋葱🧅、芝士🧀、蘑菇、烟肉粒🥓
最重要最重要就系配上温泉蛋，所以整体食落非常丰富，无论味道定口感都有水准😍
值得一提系佢既意粉既口感都几特别
可能系厨师既特制品，幼身得黎有咬口，比想像中更特别，食晒都几饱肚
💡岩盐焦糖Hot cake
至于我地既甜品，岩盐焦糖hotcake
次次黎亲都系必点既，真心推荐👍🏻👍🏻👍🏻👍🏻👍🏻
呢个甜品唔洗多讲，系我地最期待既最后一道菜🥞
hotcake岩岩整好热辣辣，放上面既牛油🧈喺我地影相既时候已经不停咁溶紧，好似催促我地快d开始食🤤🤤🤤我地影完相都急不及待咁开始切黎食
hotcake既厚度保证左佢既份量
唔止入口面粉麦香同埋牛油香味够
最重要既口感都冇令人失望，外脆内软
出面焗至微脆，内面软嫩而且微微moist，口感非常高分🎊
两款糖浆各有千秋
岩盐焦糖质感较密稠，焦糖浓香又带有微微岩盐既咸味，咸甜咸甜又非常夹，更令佢既浓厚度更上一层楼😍
枫糖浆既香味同hotcake系绝配，呢个组合无得输
hotcake原本既香味加口感，加上两种糖浆既配合，再加埋云尼拿雪糕既冰冻口感，令原本已经饱饱既我地，唔洗一阵就清左成个hotcake
💡燕麦奶昔
身为燕麦爱好者，饮品我地叫左杯燕麦乳酪milkshake
呢杯milkshake有惊喜，口感浓厚、味道香甜得黎，有清新又唔会太酸既乳酪味
加上燕麦既口感同香味，成杯milkshake 令人满足，都令我地比想像中饱得快😋😋😋
总括而言，Hesheeat既价钱其实唔算特别贵
今餐食左咁多野，先350蚊
饮品同头盘都非常唔错，加埋压轴既甜品，增加左成餐既完成度
原本我地仲想试埋刨冰，但已经饱到食唔落，所以都算系喺旺角闹市入面一个好食又唔贵既选择。🥰👍🏻
张贴
