尚八日式燒肉店 (已結業)

今日我去咗旺角嘅尚八烧肉店试佢哋嘅午市放题，真系食得好开心！我哋拣咗午市和牛半放题套餐，入面有日本A5和牛三角、日本A5和牛肋肉、盐烧厚切雪花牛舌芯同埋盐烧虎虾。我地可以见到和牛三角嘅雪花分布得好平均，牛味都好浓郁，一入口即溶，真系好正！而且牛舌心都切得好厚，烧好之后表面香脆，入面多汁多味，好好食呀！虎虾都好新鲜，口感弹牙。最令我惊喜嘅系佢地有好多无限追加嘅选择，我最推荐嘅系佢哋嘅软骨饺子！软骨饺子入面嘅软骨增添咗好多口感，炸得香脆，真系好好味！仲有其他炸物，我都试咗唐扬紫心香芋丸，好好食！佢哋仲有好多面类同饭类嘅选择，真系好多元化。海鲜方面，汁烧鱿鱼筒好入味，清酒煮蚬都好鲜甜。出面嘅沙律吧仲有好多烧嘅蔬菜，例如菠萝、茄子、秋葵同各种菇类，真系好丰富！食完烧肉之余，仲有面豉汤同埋雪柜入面嘅冷盘可以试。饮品方面，佢哋有两个雪柜都摆满咗各式各样嘅饮品，真系好多选择。餐厅全日放题分正价时段及优惠时段，优惠时段即7:00pm前离座或9:00后入座（全日放题时间系120分钟）。除咗放题之外，佢哋仲有午市定式套餐可以选，价钱低至$48起！真系好抵食呀！