上村牧場 (已結業)

日式烧肉放题有好多选择，不过质素参差，今日试咗时代广场地库一间叫上村牧场嘅，质素非常唔错店员特别推介我哋叫咗个萨摩和牛飨宴套餐放题，因为佢哋有自家嘅牧场，而养嘅牛系鹿儿岛最出名嘅萨摩牛。套餐除咗萨摩和牛任食之外，其他鸡羊豚都系可以任叫而萨摩牛和牛五花烧肉, 萨摩牛和牛里肌肉烧肉, 萨摩牛和牛寿喜烧烧肉更加系必点嘅：牛五花油分丰富，又腍又香。牛里肌肉瘦一点，但有咬口牛味浓。寿喜烧牛肉本身调咗味，烧香两面再放落蛋浆度，非常和味。由于可以无限量添加，所以keep住order其他嘅肉类都好精彩，例如有比较少见嘅萨摩牛内裙肉，虽然唔属于放题，但只要成为会员就会即场送一份，类似牛腩嘅部位，中间有一层膜，亦有一层肥膏，超有咬口，烧熟一啲食都唔会韧另外比较喜欢嘅就系牛横膈膜，有肉味有咬口但又唔怕太韧，好味但当然贪心想试多啲款式：例如羊架，鸡心，鸡颈肉，鸡腿肉，鸡翼等，质素都非常唔错由于餐厅开业不久，所以装潢都好新鲜好光猛，俾我哋嘅枱好大张，而食物上枱都系用运输带，店员亦有主动换网，赞👍饮品方面选择唔算多，但基本嘅汽水果汁茶都有提供放题100分钟，其实时间都算足够，唔会好赶，食埋甜品捧住个肚走🤣😅