鉄人旨花

营业中

休息中

呢间铁板烧见到有多人推荐，今次终于去试下。我地叫左南非鲍鱼二人餐和龙虾二人餐，除了主菜即系鲍鱼和龙虾唔一样之外，其他菜式都系一样。汁煮白鳕鱼：口感同银鳕鱼差唔多，白鳕鱼肉质实少少，个人更钟意白鳕鱼，配上洋葱同酱汁，好好味。龙虾配海胆汁：酱汁系以海胆、龙虾同南瓜做成，呢个配搭都几新鲜。霜降和牛：师傅煎到外脆内嫩，仲有淡淡嘅红酒香，这味𩠌系成餐入面最惊艳。甜品：师傅私人送左红豆铜锣烧，另外跟餐仲有雪糕同埋蜜瓜，雪糕我要左豆腐味，好似雪到结冰嘅豆腐咁。整体黎讲都唔错，侍应识自动加茶，唔洗三催四请都有热茶饮，食物全部都唔错，师傅亦都好健谈。