千里屋食堂 (已結業)

今日同屋企人去左铜锣湾果头，行过见到有间食日本野嘅小店，见又几多人食，所以就入去试吓。见到都有几多嘢食㖞，主要都系食牛肉，我哋叫咗四个set ,分别系:和牛铁板三种， 和牛寿喜烧火锅，黑豚肉shabushabu 套餐同富士山丼。另外我哋仲加左原条鳗鱼。首先，要讲下个和牛铁板三种套餐，真系好好味！个和牛好香，同好嫩，三种和牛都好好味，同配唔同调味料，真系好好味，同分量都几多，每种和牛大概有三旧左右。而个和牛寿喜烧，个汤底好甜好浓，我个人就觉得太甜，啲菜真系好甜，但系配埋啲和牛就刚刚好。值得一齐嘅系，佢会配埋生鸡蛋俾你点黎食，即刻无咁腻，同令啲牛肉食落去滑好多。个黑豚肉都好味，个shabushabu汤底都okay , 相比和牛寿喜照，佢就显得普通，但都几好味嘅。至于个富士山丼都唔错，个味几好，啲肉都好有牛味，可惜啲牛肉有少少硬。而个原条鳗鱼都好出色！ 好肥味，同个味道非常好，食完又想再食，推介大家黎食啊！啲套餐仲配有味噌汤，饭，同埋渍物， 都几多野食，我地都食到好满足。人均消费大概$250左右，食到啲咁靓嘅和牛真系好抵啊。同埋个老板系日本人，好正宗嘅日本菜，最钟意食喱啲小店！