影片
更多
2021-12-06
24 浏览
一入到去真系觉得系我去过最整洁最靓嘅火锅店，装修俾人一种高贵典雅嘅感觉。餐厅系单点火锅，首先拣咗汤底再用qr code拣其他配料。店员亦会比一盘酱料比客人自己调制想要嘅酱。川味酸菜鸭汤锅 （$288）🦆🥘好有惊喜嘅锅底！锅入面非常足料，有芫茜、蒿笋、酸菜、枝竹、鸭肉（应该有大约20旧）、白萝卜！鸭肉、枝竹同埋萝卜都完全吸收晒汤底嘅精华，非常入味！而且本身惊鸭肉煮得耐咗会韧，但系竟然非常嫩滑！酸菜同鸭肉嘅味道好香，用嚟渌其他配料一流！伊比利亚黑毛猪豚肉（$208）🐷卖相已经好吸引嘅豚肉！脂肪嘅分布均匀，唔会太肥或太干，口感亦唔会韧～另外发现肉类点落餐厅提供嘅麻酱非常夹！大家都可以试下呢个食法！手打墨鱼丸4粒（$48）🦑大大粒好弹牙嘅墨鱼丸，食落唔会觉得成旧粉噉样，而系食到有墨鱼嘅口感～黑松露蟹肉饺4件（$68）🦀黑松露嘅味道非常香！但要小心好容易就渌到散，另外觉得如果蟹肉嘅口感可以更加出就好喇～整体嚟讲系好有质素嘅火锅店，虽然价钱唔算平，但系佢嘅材料绝对对得住佢嘅价钱！另外店员嘅服务亦好贴心，会自动帮手加汤同较火力，亦会提醒某啲食材要点样渌先好食。所以大家喺特别嘅日子想同朋友屋企人食餐好
川味酸菜鸭汤锅 （$288）🦆🥘
好有惊喜嘅锅底！锅入面非常足料，有芫茜、蒿笋、酸菜、枝竹、鸭肉（应该有大约20旧）、白萝卜！鸭肉、枝竹同埋萝卜都完全吸收晒汤底嘅精华，非常入味！而且本身惊鸭肉煮得耐咗会韧，但系竟然非常嫩滑！酸菜同鸭肉嘅味道好香，用嚟渌其他配料一流！
伊比利亚黑毛猪豚肉（$208）🐷
卖相已经好吸引嘅豚肉！脂肪嘅分布均匀，唔会太肥或太干，口感亦唔会韧～
另外发现肉类点落餐厅提供嘅麻酱非常夹！大家都可以试下呢个食法！
手打墨鱼丸4粒（$48）🦑
大大粒好弹牙嘅墨鱼丸，食落唔会觉得成旧粉噉样，而系食到有墨鱼嘅口感～
黑松露蟹肉饺4件（$68）🦀
黑松露嘅味道非常香！但要小心好容易就渌到散，另外觉得如果蟹肉嘅口感可以更加出就好喇～
整体嚟讲系好有质素嘅火锅店，虽然价钱唔算平，但系佢嘅材料绝对对得住佢嘅价钱！另外店员嘅服务亦好贴心，会自动帮手加汤同较火力，亦会提醒某啲食材要点样渌先好食。所以大家喺特别嘅日子想同朋友屋企人食餐好嘅都可以考虑下呢间！
张贴
