鳴橋燒肉料理 (已結業)

踏入2019年，运气真系ma ma地，所以要同老公食餐烧肉，烧下d衰气🤣朋友之前推介食鸣桥烧肉，种类多而且食物新鲜，于是去试下，果然冇介绍错。我地喺门口企左一阵研究下个餐单，烧肉放题，二百零蚊，有刺身，有和食，有炸物，有烧肉，有甜品，饮品，款式多多，唔错唔错👌入面唔算大，但都坐得舒适嘅，简单嘅和式布置。刺身够新鲜，每件三文鱼刺身厚身肥美，脂肪纹分布鲜明，色泽呈橙红色，肉质坚挺。甜虾、带子和八爪鱼卖相睇起黎都好正，食落都符合外表嘅鲜美，好鲜甜，抵赞👍烧肉部份方面，我地先烧羊架，一边烧一边传出香味。亦推介盐烧牛舌，切得够薄身，食落爽口。一口和牛同牛肋肉都系出色之作，肉味浓郁，肉质香嫩，牛肋肉厚薄均匀，入口即溶，混埋牛油嘅香味，维持喺口腔入面但又唔会觉得腻，非常好食。鸡翼味道好，唔会太咸，单骨亦方便烧同食，唔会烧到㶶晒。以上都再encore左一次😚另外海鲜点左虎虾，三文鱼骨同多春鱼，虎虾都几肥美。炸物即叫即炸，又松脆又够热。三文鱼头汤，好香浓嘅三文鱼，如果再热d就好喇。蟹籽沙律够晒酱汁，而且带点微酸，几开胃。饮品同甜品种类选择唔算太多，但都有好几款，抹茶雪糕嘅茶味香浓，唔会偏甜同太重奶味。而