影片
更多
2023-02-09
1474 浏览
嘉丰点心专门店地址: 九龙城启德道19号地下呢间点心专门店喺九龙城都几出名，同区开咗两间舖头，都睇得出佢好受街坊欢迎，朝早去到都坐得几满。 🍖🍤蟹子烧卖皇 $30呢度嘅烧卖比较偏传统嘅味道，系完全似足系细细个去酒楼食点心嘅味道，烧卖偏干身有少少甘味，但系都食得出佢猪肉切肉嘅香味，同埋虾嘅鲜甜。🥟🥟鲜虾菜苗饺 $26呢度系菜苗饺好大只，里面有好多虾，但系就唔系好够菜，可能唔够湿，食完之后个口有啲有啲口渴。另外个皮有啲易穿。🍘🍘家乡咸水角 $22呢度咸水角系必食，佢炸嘅熟度啱啱好，个糯米皮唔会炸到太干，食落去好烟韧，而且佢个馅好香冬菇同肉碎味，男朋友系一路食一路笑，佢都未试过对住我笑到咁。🫔🫔浓汤鲜竹卷 $24呢度鲜竹卷个腐皮好香口，但系食落去又唔会好油，我觉得应该系喺佢个上汤嘅味道朔晒入去啲腐皮度，令到佢爽口得来唔会太湿，另外入边嘅馅都好好味，好足料。🥓🍗香茜牛肉肠 $23呢度个肠粉皮做得非常之滑个原因系因为佢真系落得几多油，但系食落去你又唔会觉。入边啲牛肉就不过不失啦，最出色依然系佢嘅肠粉皮。🍰🍰香滑姜汁糕 $21食落去唔会太甜，而且好烟靭，佢嘅千层做得好出色，食落去一层层口感好好。千
地址: 九龙城启德道19号地下
呢间点心专门店喺九龙城都几出名，同区开咗两间舖头，都睇得出佢好受街坊欢迎，朝早去到都坐得几满。
🍖🍤蟹子烧卖皇 $30
呢度嘅烧卖比较偏传统嘅味道，系完全似足系细细个去酒楼食点心嘅味道，烧卖偏干身有少少甘味，但系都食得出佢猪肉切肉嘅香味，同埋虾嘅鲜甜。
🥟🥟鲜虾菜苗饺 $26
呢度系菜苗饺好大只，里面有好多虾，但系就唔系好够菜，可能唔够湿，食完之后个口有啲有啲口渴。另外个皮有啲易穿。
🍘🍘家乡咸水角 $22
呢度咸水角系必食，佢炸嘅熟度啱啱好，个糯米皮唔会炸到太干，食落去好烟韧，而且佢个馅好香冬菇同肉碎味，男朋友系一路食一路笑，佢都未试过对住我笑到咁。
🫔🫔浓汤鲜竹卷 $24
呢度鲜竹卷个腐皮好香口，但系食落去又唔会好油，我觉得应该系喺佢个上汤嘅味道朔晒入去啲腐皮度，令到佢爽口得来唔会太湿，另外入边嘅馅都好好味，好足料。
🥓🍗香茜牛肉肠 $23
呢度个肠粉皮做得非常之滑个原因系因为佢真系落得几多油，但系食落去你又唔会觉。入边啲牛肉就不过不失啦，最出色依然系佢嘅肠粉皮。
🍰🍰香滑姜汁糕 $21
食落去唔会太甜，而且好烟靭，佢嘅千层做得好出色，食落去一层层口感好好。千层糕又唔会太痴牙，食完啲咁油腻嘅点心，拎佢嚟解就好正啦。
☕☕茶 $6/ppl
呢度嘅普洱茶唔错，唔会涩口。
味道: 4.3/5
服务: 3.5/5
环境: 3.5/5
番兜: 4/5
张贴
