The Pantry Club

营业中

休息中

今日去启德体育园行吓，佢地嘅零售馆都几多食肆，行过呢间装修得好grand嘅西餐厅，睇睇餐牌，价钱唔算太贵，就入去试吓。Fried Wings炸到外皮脆卜卜嘅鸡翼，入面仲好juicy好嫩 配埋牧场沙律酱同埋咖哩沙律酱，有2个风味，都唔错。Iron Grilled Flank Steak牛排要咗7成熟，卖相非常靓，完全冇overcook,食落牛味好重，都好淋滑，配埋佢地嘅香蒜青酱同烧汁，都几惹味。佢地嘅炸薯条都好出色，即叫即炸，外脆内软，好味。Maple Bacon Cheese Burgers呢个汉堡个size都几大，入面嘅汉堡排系用安格斯牛肉整成，食落好juicy, 而佢嘅枫叶酱烟肉，煎到好香，脆卜卜配埋芝士同生菜蕃茄，呢个汉堡劲丰富。Cheesecake waffle house窝夫外面松脆，入面软淋淋，窝夫中间夹住佢地自家制芝士蛋糕，劲好味， 仲有焦糖香蕉同埋雪糕雪糕，食完呢个甜品劲满足。