珍一料理 (富榮大廈) (已結業)

夏天热辣辣无晒胃口，收工行过地皇广场比我发现呢间新开既四川凉拌，望落好干净企理，人头涌涌好热闹😱拣咗四样嘢食，姐姐好好人送左一兜凉拌汁比我，番到屋企淋落啲𩠌唔会干争争。川麻料理三并泡椒凤爪、金钱肚、猪爽肉金钱肚切到好薄，口感好好👍🏻猪爽肉除左猪头肉仲有我最中意既猪耳，好爽脆。凤瓜系偏淋果只，唔使出好大力咬，最后越食越辣好过瘾。东坡肉饭呢个系专登买比屋企人食既。味道咸咸甜甜，伴菜仲有啲百叶结。好出奇地食落唔油腻，我本身唔系好敢食肥肉都食咗几旧。椒麻手撕鸡要左半只鸡，有一大兜咁多。原来所有鸡骨都装埋落去，好均真呀。食一啖已经feel到好香既花椒味，鸡肉唔干仲好有咬口，鸡皮超爽，加埋啲凉拌汁好惹味。五香牛腱并烤麸烤麸咸咸甜甜好入味😚牛腱厚薄适中，食完一片又一片。盒底仲有小小青瓜、冬菇、炸黄豆，好丰富。