麻辣風雲 (荃碧大廈) (已結業)

几年前去过成都同重庆，个段日子对于一个唔食得辣又嗜辣既人真系痛并快乐着，皆因当地人食辣水平太高好难就到我个食辣废柴。终于系香港遇到《麻辣风云》，全部叫最少辣，我轻松carry到既辣度。有人话四川菜唔辣点会好食，其实唔应该咁样去评，辣系一种浓烈既调味，拎开佢依然展示到厨艺，咁先叫功底。唔系好熟川菜，但系四川都食过几日，凭住记忆去叫，一碟凉拌皮蛋系我每次必叫，但依碟系失败中既失败，只皮蛋十分难食，调味都救唔返。拌料有蒜蓉同辣椒酱，坦白讲辣椒油味道唔够亮眼，加埋蒜蓉令人疑惑，所以俾咗差评。最近迷上炸馒头，嚟到见到又要叫，炼奶食得出唔系鹰唛，失色，馒头唔黏牙，唔会太甜或者太油，合格。全枱最香系干锅鲍鱼仔，一路烧紧一路渗出香味，眼见好多辣椒但其实一d都唔辣，师傅完全照顾到我既辣度，食得辣既朋友可以叫再辣d，应该会更好食。鲍鱼仔份量好够，都算入味，藕片好脆，爽，推荐大家试一试。京葱牛肉份量好多，牛肉食极都有，嫩滑少筋夹住一片京葱一齐食，好滋味，碟菜本身系唔辣，唔食得辣既朋友可以叫猪油渣炒时菜系我几期待既一道菜，因为宜家唔系度度都够胆用猪油渣炒菜，d猪油如果唔靓或者摆太耐会有油up味，炸得唔靓食落就