甜圓坊

营业中

休息中

餐厅除左出名食芋圆圆子等甜品，仲有多款地道台湾咸食。一入门口，侍应就用台湾国语欢迎人食客，非常有气氛。餐牌上既价钱完全唔觉得贵，亲民。而且选择多，仲有各类甜品、饮品选择。香酥排骨饭($50)，望落细细碗，但米饭压得实，所以食完好饱肚。而且热辣辣，食到中间，都见到冒烟。排骨大块，有切割，方便分件食。卤得入味，香酥但唔油腻。玉米起司蛋饼($38)，值得一赞，蛋饼头尾2件既内馅，都一样多。因为有时其他铺头，食到既蛋饼得中间几件，馅料先多。但尼间系，件件都一样满泻。粟米甜，芝士拉丝，蛋皮酥，唔系烟韧款。芋泥奶露($30)，芋头控必点，有大量芋头碎、西米，奶味十足。虽然甜度固定，但完全唔会超甜。招牌综合芋香剉冰($45)，甜品当然必点，几饱都要叫。因为超级超级抵食大份，配料仲要多。大量炼奶淋在剉冰上，剉冰内层，原来系蜂蜜味，非常好食，初时以为可能只系得面层既炼奶味。其中芋圆、丸子、黑糖珍珠烟韧Q弹。芋头绵，就算2人share，都饱到上心口。整体，有2人座、又有bar枱，以深水埗大部分铺头黎讲，座位算多。食物美味，抵食，食饱过黎食甜品，都好吸引。