影片
更多
2021-12-10
134 浏览
今日同朋友夜晚去会展睇SHOW，未够钟开SHOW于是乎就系附近揾野食，咁岩行过见到鮨乐门口有位哥哥仔好有礼貌咁招呼我地，于是就顺水推舟决定食呢间。入到店内就已经见到好多师傅系度处理紧外卖生意，有得拣坐卡位同吧枱，因为我地得两个人，唔想霸咁大张枱，于是就拣左坐吧枱，仲可以睇埋师傅处理鱼生。基本上睇餐牌都知系主打高档日式料理黎，于是乎就即刻叫左个北海道海胆手卷($75)同最基本既三文鱼($25)手卷试下，落完单基本上师傅就系你面前即刻包，先讲个海胆手卷，闻落无腥味，味道非常鲜甜，肉质都结实，唔会太过水，边食之余同师傅倾计得知店内食材全部都系地道日本空运过黎既，而另外三文鱼手卷，朋友就话不过不失，都系有一贯水准既。食完手卷梗系试下正宗日本手握寿司，于是就叫左一个寿司盛合($168)，总共有8款寿司，有油甘鱼，甜虾，墨鱼，赤贝仲有一块玉子等等，不过原来师傅话寿师可以由淡味食到浓味，因为先食浓味既鱼，再食淡味既鱼，味道就无咁出，于是乎我自己就由浅色既鱼肉开始食，中间食下甜虾同玉子间场，最后再食赤贝同油甘鱼，有一刻直情觉得自己真系去左日本食紧野。于此同时先前叫既特选刺身饭($158)都整好左送到黎
入到店内就已经见到好多师傅系度处理紧外卖生意，有得拣坐卡位同吧枱，因为我地得两个人，唔想霸咁大张枱，于是就拣左坐吧枱，仲可以睇埋师傅处理鱼生。
基本上睇餐牌都知系主打高档日式料理黎，于是乎就即刻叫左个北海道海胆手卷($75)同最基本既三文鱼($25)手卷试下，落完单基本上师傅就系你面前即刻包，先讲个海胆手卷，闻落无腥味，味道非常鲜甜，肉质都结实，唔会太过水，边食之余同师傅倾计得知店内食材全部都系地道日本空运过黎既，而另外三文鱼手卷，朋友就话不过不失，都系有一贯水准既。
食完手卷梗系试下正宗日本手握寿司，于是就叫左一个寿司盛合($168)，总共有8款寿司，有油甘鱼，甜虾，墨鱼，赤贝仲有一块玉子等等，不过原来师傅话寿师可以由淡味食到浓味，因为先食浓味既鱼，再食淡味既鱼，味道就无咁出，于是乎我自己就由浅色既鱼肉开始食，中间食下甜虾同玉子间场，最后再食赤贝同油甘鱼，有一刻直情觉得自己真系去左日本食紧野。
于此同时先前叫既特选刺身饭($158)都整好左送到黎，呢间铺用既醋饭真系非常之开胃同好食，搭配鱼生食真系一流，其实基本上都唔洗点加豉油，因为鱼生既鲜味好搭醋饭。
最后再加单食多个吉列虾饭卷($48)，呢个真系最大惊喜，个炸虾饭卷完全唔腻，新鲜整又脆又好食，好少可食完日本炸物系仲会想再叫多一份。
整得一提系整体环境同服务都系高水准，一路食不断有人主动帮你加茶收盘，完全唔洗叫都有人招待你，另外店内仲有每日推介，听师傅讲系根据当日食材质素而挑选出黎既上品，因为个SHOW就黎开场又食到饱肚，所以未有机会一试，但下次有机会再黎都会试下。整体而言系非常地道既日本餐厅，除左食材之外，连服务环境，甚至师傅既制服(厨师服入面有打呔嫁!)都同日本餐厅如出一辙，大家如果想揾地方招待朋友或者食厌平价寿司，不妨黎呢度一试，绝对唔会失礼。
张贴
