九井壽司 (已結業)

同朋友喺MegaBox睇开家私，睇到好攰攰地。就揾咗一间门面好大嘅日本餐厅。咁就入去试吓睇吓佢啲嘢食好唔好。同朋友嗌咗个三文鱼籽海胆迷你丼。虽然叫做迷你，但系份量都唔少㗎。三文鱼籽唔会太腥，仲好鲜味添。有时食海胆最怕佢唔新鲜，不过呢间餐厅啲海胆就非常新鲜。所以这个都几值得推介。同朋友又专登试吓个熟食。睇吓间餐厅系咪除咗生嘅嘢食好食之外，啲熟食嘅质素系点样。鹿儿岛酱烧猪软骨乌冬嘅乌冬质地都唔错，几有咬口。个猪软骨就住得非常之冧，好好食。配埋个特别嘅鹿儿岛酱就将成个乌冬嘅味道提升。寿司选择都好多，我就净系叫咗平时最钟意嘅几款试吓佢依间同出面嘅质素有冇分别。总括嚟讲，佢出菜嘅速度都好快，唔驶等好耐，寿司已经来齐了。而家好过回转寿司好多，确保佢嘅质素系最新鲜同埋即刻出。叫咗几款寿司，我最钟意都系食火炙左口鱼裙边，因为佢最香鱼油味。至于赤贝同赤海老都食得出佢系新鲜，三文鱼就正正常常啦😂我同朋友真系好好彩，突然之间间餐厅会进行抽奖。我哋就中咗一支益力多。