九井壽司 (已結業)

好耐冇去过MegaBox啦！前两日约咗朋友去九龙湾行街，我哋就顺便去埋MegaBox，咁啱大家都想食日本嘢，所以就去咗九井寿司食晚饭！🍣火炙三文鱼腩寿司三文鱼腩入口即溶，经过火炙之后更加惹味！🍣BB三文鱼小卷小卷有6件，每一件都卷得好扎实，里面嘅三文鱼都唔算细件～🍣赤贝寿司赤贝几新鲜，寿司饭细细件，好迷你🍣龙虾沙律卷龙虾沙律卷有三旧，每一旧都大大件，沙律青瓜同寿司饭好夹，啱晒啲唔钟意食生野嘅朋友🦀酥脆软壳蟹手卷我超钟意食软壳蟹！今次呢个软壳蟹手卷有好大旧软壳蟹，而且真系炸得好酥脆，非常满意！🍤脆脆天妇罗炸虾天妇罗炸虾好大条，同软壳蟹一样炸得好酥脆，咬落去淡淡虾肉～🐔烧芝士饺子鸡翼烧鸡翼外表好吸引，之前听人讲过话几好味，所以就叫咗一碟嚟食。鸡翼食落有少少芝士味，亦都几juicy，不错！🧀日式芝士年糕年糕口感Q弹，食落甜甜地咸咸地，虽然系芝士，但都唔会话好济🍜九州御前牛肩胛乌冬我同朋友都钟意食乌冬，所以我哋嗌左一碗share。好彩我哋净系嗌左一碗，因为有好多乌冬，如果一人嗌一碗一定食唔晒！猪骨汤好香浓，牛肩胛有好多旧，十分足料！