スーパー丼 (大埔超級城) (已結業)

放工劲肚饿，行过超级城，见到鱼生饭好吸引，不过又冇得堂食，所以决定外卖，买返屋企食！有劲多款丼饭拣，有生嘅亦都有熟嘅，仲有儿童餐添，够晒合家欢！落order好快，过咗一阵就有得拎啦！叫咗两个丼饭配套餐: 超级海鲜丼同火炙海鲜丼+面豉汤同埋中华沙律。返屋企路途遥远，返到去见到呢两碗丼饭仲系好靓仔！😊睇到𠮶menu，就比呢个超级海鲜丼吸引咗！呢碗超级海鲜丼分量十足！好多款鱼生，啱晒选择困难症嘅我！呢碗丼有三文鱼，甜虾，三文鱼子，带子，吞拿鱼蓉，仲有吞拿鱼！每款鱼生都好新鲜，鱼类鱼生肥美，厚切，新鲜，冇筋。𠮶寿司饭软熟，带有酸甜滋味，相当开胃。火炙海鲜丼火焰海鲜丼有三文鱼，吞拿鱼，左口鱼背，每款鱼类有二片，鱼油刚好，有一股油脂香，鱼生都做到外熟内生的口感。总括嚟讲，cp值高。下次可以堂食试下。餐厅都几大有两边！