圍威喂 (荃灣廣場) (已結業)

💁🏻‍♀️之前食过呢间fusion泰菜印象唔错，经过见到而家外卖套餐低至六折，非常实惠，有1/2/4/6人套餐选择，一于试吓。我哋叫咗$248二人B餐另加烧猪颈肉 ($98)-晚市餐牌外卖自取八折，等外卖期间都见到有唔少人order，同堂食一样咁高效率，等咗一阵就有得拎啦！🥡外卖包装好用心，即使外卖返屋企卖相一样精美，餐盒嘅设计有撕开位，好快就可以摆得靓靓用餐。食泰国菜酱料系亮点，即使系外卖优惠套餐，餐厅一样一丝不苟，🌶每一款菜式都跟足唔同嘅酱料。二人餐份量非常足，头盘🍤虾饼扎实弹牙，真材实料，冬荫功单骨鸡翼香脆惹味，🐓海南鸡半只大大份两个人食绰绰有余，仲要去晒骨食得非常畅快，鸡味浓香肉滑，🍚油饭香气十足，净系呢几样食物已经值回票价！仲有塔香炒青口拎到返屋企食都一样嫰滑，酱汁香浓送饭一流，跟餐嘅🥬马拉盏通菜同两杯🍹青柠梳打一样有水准，另加嘅🐖烧猪颈肉惹味焦香，爽滑弹牙配埋秘制酸辣汁💯！好耐都冇试过晚餐食得咁丰盛，好满足😋💡所有食物拎到返屋企都保存得好好， 如果要加热原盒放入微波炉就得，呢度嘅外卖实在系高质之选！