豬屋日本料理

营业中

休息中

今日唔想煮饭，落车附近有间日式餐厅，咁不如行过去睇睇。餐厅门外餐牌都几吸引，厨窗海报有个期间限定便当好似几好食，咁最后我就拣左萨摩便当同一个刺生丼。餐厅几细心，热同冻嘢分开两袋包起，刺身里果袋仲加左粒块。萨摩便当：便当几丰富，有味付螺肉做前菜小食，盐烧安格斯封门柳烧得几靓，肉带少少红，唔韧，有牛味。另外猪颈肉同蟹籽加州卷都好食，饭加左烧汁，食落有味唔单调，几好。特选五色丼 + 面豉汤：面豉汤够味道，五色丼卖相几好，有三文鱼、北寄贝、带子、赤虾同海胆，每款刺生都系厚切大块，鱼生几新鲜，整体唔错。