Papa (已結業)

PAPA系观塘回归喇😍今次佢地主打外卖专门店🥡有外卖专线自取，亦可以上外卖平台点餐，选择外送或自取。系观塘购物完，可以一尝佢地嘅晚市套餐😘系店家外卖自取有85折优惠添！PAPA Yellow ➖ $78沙律入面有杂菜，烤鸡肉，芒果，牛油果，蕃茄，藜麦。材料非常丰富。亦好适合on diet紧嘅OL。烤鸡肉系鸡胸肉，烤过嘅鸡肉都唔会太干。配上PAPA自家制油醋汁，低脂嘅酱汁😍，味道酸酸甜甜，好开胃。美国安格斯牛肉芝士烟肉汉堡配松露粉薯条 ➖ $118汉堡包外卖后质素都好好。安格斯牛肉煎后锁住肉汁，依然juicy。芝士味道好香。松露粉幼薯条一开盒就闻到好香味道，口感外脆内软。蒜蓉纽西兰大蚬扁意粉 ➖ $98份量好多，蒜香扑鼻。大蚬鲜味无沙，配上扁意粉，口感好好。黑松露北海道带子手工意粉 ➖ $118手工意粉口感弹牙有嚼劲！简单用黑椒同盐煎过嘅带子鲜美。加上黑松露同磨菇味道更升华。焗特色香草鸡翼 ➖ $68鸡翼腌味用上很多西式香料和香草，味道充满层次。鸡翼焗到外皮香脆，好味道！PAPA 冰茶将Earl Grey 加入西柚、橙同薄荷叶，冷泡24小时。茶味浓郁，带少少甜香，薄荷叶有舒服的回甘香气。