滷府 (已結業)

今晚去朋友屋企食饭，唔可以两手空空，就决定到港铁站附近的卤水店买𩠌加料。叫咗三个𩠌，包括慢煮特调卤水鸡、卤水墨鱼和卤水鸡蛋。从外表睇，全部食物都色泽均匀，相信店家有好好控制卤汁同烹调时间，每一件都非常入味，又唔会过咸。慢煮特调卤水鸡 (半只，$78) - 通常鸡都唔系传统卤水店的主打菜式，但呢个慢煮鸡好有惊喜。个鸡无血水，但同时鸡肉非常滑，好嫩口，又够入味。十级推介，份量十足，连鸡胸都好滑好嫩。卤水墨鱼 ($20) - 咬落好软熟，一啲都唔硬，仲有少少弹口。卤水鸡蛋 ($8) - 非常钟意食蛋的朋友，对呢个卤水蛋激赞，因为真系好好好入味，实属难得，煮得好出色。另外，好钟意间铺头的职员有礼貌，环境整洁光猛，可以睇清楚食物之余，确保卫生干净。