Table

营业中

休息中

呢间西餐厅成日见到好多人排队，搞到我一直都好想试吓，见到Menu有好多选择，啱晒唔同人嘅口味。招牌酒香脆烧鸡🍗见到系招牌菜式，就即刻拣咗呢款，外皮烧到非常脆身，一切开就有好多鸡汁涌出嚟，鸡肉无论系鸡髀定鸡胸都超级滑溜，一路食仲有阵阵嘅酒香渗出嚟，果然系招牌菜。炭烧顶级封门牛柳🥩另一款主菜拣咗份量意想不到咁多嘅封门柳，不得不称赞餐厅真系好阔绰，而且质素超高，嗌咗五成熟，肉质啱啱好，非常浓郁嘅牛香味，呢款都好值得成为餐厅嘅招牌菜！白桃蓝蝶花梳打🍹一向都好钟意白桃口味嘅饮品，而呢度惊喜位系唔会好似其他白桃饮品咁甜，另外就可以自己添加蝶豆花味道嘅份量，见住杯饮品渐渐变色，真系啱晒打卡。玫瑰阿萨姆奶盖茶🧋呢杯饮品绝对有惊喜，因为奶盖系用咗燕麦奶整成，喺出边甚少见到呢个口味嘅奶盖，所以好香植物奶嘅味道，玫瑰嘅花香亦都好浓郁，同阿萨姆奶茶都好夹。榛子朱古力蛋糕🍰除咗升级前菜，亦都可以加钱升级甜品，是日精选蛋糕有几款可以选择，而呢款蛋糕铺满一粒粒嘅榛子，配合埋松软嘅蛋糕，口感好丰富。心太软🌰心太软一上枱热辣辣，一切开，中间嘅朱古力将就好澎湃咁流晒出嚟，另外仲可以选择朱古力或者云呢拿雪糕，呢份甜品卖相一