明記飯店 (已結業)

约咗同事一行九人到上环街市明记庆生。有同事之前帮衬过，推介我哋一定要试咕噜肉同辣酒煮花螺。可惜我哋迟咗一步辣酒煮花螺已经卖晒。唯有叫老细推介其他菜式，老板推介我哋试蜜焦鳝(音译，唔肯定点写)。蜜焦鳝肥美，外脆内软，上枱唔够五分钟已经俾我哋成碟清晒。而同事话必食嘅咕噜肉真系无令人失望，甚至有啲惊喜。咕噜肉炸得够脆但又保留到入面嘅肉汁，再配埋个甜酸汁，送饭一流。真心同平时其他餐厅嘅咕噜肉唔同。另外仲食咗椒盐九肚鱼，带子蒸粉丝，黄金苦瓜，姜葱蚝，炒蚬同镇江骨，款款食物都好高质，食到唔记得影相。最尾同事话想试埋杨洲炒饭。炒饭够镬气又足料，饭够干身，粒粒分明，个个都食到好满足。希望下次再去可以试埋个花螺！