鮨盛 (已結業)

今日同老公去左尖沙咀附近买嘢，去过苹果附近见到呢间新开嘅omakase，见饿饿地就上去食。上到去环境唔错，有个大萤幕见到红叶，好似身处日本咁，另外有2间包厢可以订位，私隐度高，适合朋友聚会。水果蕃茄甜，黑梅贝肉质爽口弹牙。北海道蟹肉炖蛋 炖蛋超滑，蟹肉鲜甜。鳕鱼白籽 滑嘟嘟，口感丰富，加左酸汁味道几开胃。剥皮鱼金鲷鱼立鳞烧烧得脆卜卜，鱼质外脆内滑。池鱼 熟成五日味道更浓郁。昆布甜虾甜虾爽口鲜甜，加左虾籽增加口感。石垣贝师傅系面前拍打一下，仲郁郁下，非常新鲜。地金目鲷酱油渍吞拿鱼海胆啖啖Creamy，好鲜甜。拖罗油脂分泌丰富，无筋，入口即溶。手卷师傅加左大量拖罗蓉，三文鱼籽，萝卜丝，口感十分丰富。