影片
更多
2023-02-11
78 浏览
同男朋友嚟开太子呢到搞啲嘢，整整吓都已经夜晚，所以我哋决定喺呢度食埋夜晚先返屋企。咁啱俾我哋揾到附近有呢间嘢食，都见到有啲人喺度等位，所以就试吓呢间啦。入面嘅空间都算几大，仲有分开两层添，都坐得几舒服。我哋见啲嘢食都唔算好贵，所以嗌咗都几多嘢食。满蚬肉蝴蝶意粉本身我哋有谂过嗌double clam，但因为我哋都唔知份量会有几多，所以最后都冇嗌到。一嚟到我哋即刻心谂，好彩我哋冇嗌到double clam，因为佢哋蚬嘅数量都好多，两个人嘅话完全系够食。啲意粉好挂汁，啲汁亦都好creamy。佢啲汁好食到我用其他小食点嚟食。Mozzarella sticks唔算好厚粉，28蚊嚟讲份量亦都好多，而且食得出系啱啱炸起，好热，仲拉到丝添。黑松露巴马臣芝士薯条佢系幼身嘅薯条嚟嘅，黑松露味亦都好重，再加上少少芝士，食落好夹。份量亦都好多，3-4个share食，系绝对够食！炸海鲜虽然佢只系$58 ，但佢份量都好多，都系三至四个人食就啱啱好。几值得一赞嘅系，佢啲粉都唔算好厚，唔会有种觉得食皮多过食馅嘅感觉。但我会觉得呢个炸海鲜相比其他嘢食冇乜特别。Pork Rack呢一餐入边我最钟意食嘅就系呢个猪鞍，佢真系
入面嘅空间都算几大，仲有分开两层添，都坐得几舒服。我哋见啲嘢食都唔算好贵，所以嗌咗都几多嘢食。
满蚬肉蝴蝶意粉
本身我哋有谂过嗌double clam，但因为我哋都唔知份量会有几多，所以最后都冇嗌到。一嚟到我哋即刻心谂，好彩我哋冇嗌到double clam，因为佢哋蚬嘅数量都好多，两个人嘅话完全系够食。啲意粉好挂汁，啲汁亦都好creamy。佢啲汁好食到我用其他小食点嚟食。
Mozzarella sticks
唔算好厚粉，28蚊嚟讲份量亦都好多，而且食得出系啱啱炸起，好热，仲拉到丝添。
黑松露巴马臣芝士薯条
佢系幼身嘅薯条嚟嘅，黑松露味亦都好重，再加上少少芝士，食落好夹。份量亦都好多，3-4个share食，系绝对够食！
炸海鲜
虽然佢只系$58 ，但佢份量都好多，都系三至四个人食就啱啱好。几值得一赞嘅系，佢啲粉都唔算好厚，唔会有种觉得食皮多过食馅嘅感觉。但我会觉得呢个炸海鲜相比其他嘢食冇乜特别。
Pork Rack
呢一餐入边我最钟意食嘅就系呢个猪鞍，佢真系整到啱啱好，唔会煮到太老，食落系好嫩，仲有啲肉汁咁。而且佢个配菜都好好食，系用红酒煮嘅苹果粒，可惜到就算我好饱都食得晒。
我哋另外仲嗌咗两杯嘢饮。我嗌咗杯荔枝接骨木花特饮。原本仲好担心会好甜，但其实我觉得啱啱好，而且饮落几清新，几好饮。
呢一间啲嘢食性价比都好高，如果嚟到太子谂唔到食乜嘢嘅话可以喺呢间食。
张贴
