阿久根和牛立燒店 (已結業)

旺角白布街一向都系酒吧同埋Cafe林立，但系今次介绍嘅系主打和牛烧肉嘅《阿久根和牛立烧店》。餐厅设计有啲似日式居酒屋，每一个餐枱上面都有独立抽风系统。虽然个名叫立食，其实全部都有座位。两个人晚市就直接叫丰和牛二人盛 $388，烧肉拼盘嘅和牛全部日本直送，包括肉眼A5、 西冷A5、肉眼A4、西冷A4, 牛舌、三角肋肉、牛肚。所有材料都系自己用明火烧烤，所以特别有满足感。肉眼、西冷油花都几靓，烧一阵就可以食，唔洗烧到全熟干哂，肉汁都几多。烧熟嘅牛肚口感都几特别，爽口又唔韧。另外仲有时令蔬菜，包括粟米、冬菇、翠玉瓜，火候控制都唔难，新手都可以轻松驾驭。生菜系免费！另外，烧肉建议同白饭或者生菜一齐食用，咁就可以减轻油腻感。💰人均90蚊一位lunch如果唔想错过其他好餐厅嘅介绍，记得follow我呀😘多谢大家！！！