從⋯異世界 (已結業)

朋友生日去食午饭，又谂唔到去边，我就同佢讲，不如试下去女仆cafe庆祝。最后我地拣左呢间系老铜附近既cafez，入到去，我地每人都拣左个开挂人生套餐，包主食，饮品，甜品，最重要既系仲一张同靓靓女仆合照。💕蛋包饭老实讲，系坊间听得太多话女仆café D野好难食，但系我想讲你咁谂就大错特错，呢度既蛋包饭唔单止够味好食，仲有女仆同你魔法加持，所以好食得黎又好玩。💕饮品外观好靓，蓝蓝地，入落唔太甜岩哂我💕士多啤梨圣代💕冧酒提子圣代系坚好食，拍得住出面出名既甜品店。最后，仲可以拣一位你心仪既女仆大人合照，真系好好好好好好开心，哈哈整体黎讲，食物方面几出众，饮品正常，甜品超出预期，服务体贴，女仆耐心教导，下次会再同几位朋友试下晚餐时间去。