慈素小聚

营业中

休息中

出街食饭成日都多肉少菜，想食得健康啲，但系又唔想淡而无味。嚟呢间素食餐厅就啱晒我心意，素食健康之余都可以享受美食。台式叉烧刈包 $68呢个包好软熟，里面夹住块炸得香脆嘅人造肉扒，仲配香浓叉烧酱嘅素叉烧，个包香脆得来又湿湿地，软熟得来中间又有啲脆口，味道口感好好。沙嗲牛肉饭$98呢个沙嗲牛肉饭上枱唔讲真系唔知系素食，识落口都有九成似。沙嗲酱执超级香浓，有淡淡的花生香气好好佐饭，重点系牛肉片口感真系好似牛肉，仲配埋牛肉丸添，钟意食肉又想健康唔食得太多红肉嘅人食呢个就啱晒过口瘾。日式芥辣蝴蝶虾 $78呢个哈查粉博博，香口脆脆，里面嘅仿虾肉爽爽地又真系唔知点解有啲虾味，配埋日式芥辣酱汁好夹，个味道又真系有几分似炸虾。日式半煎炸饺子$48呢个炸饺子揸得好香脆，里面馅料有冬菇粉丝同埋一啲蔬菜丝，调味啱啱好，绝对唔会系淡而无味，食嘅时候沾上饺子汁风味更加好。忌廉蘑菇浓汤佐菠菜苗$98菠菜苗好嫩冇渣，配上香浓嘅忌廉蘑菇汤，蘑菇嘅香味好浓郁，呢个蔬菜绝对系健康又好食。椰汁雪耳无花果炖汤 $48呢个汤好清甜，真材实料，饮落去好滋润嘅感觉。