影片
更多
2020-04-04
313 浏览
通常三个一样字拼埋一齐都唔识读呢个字亦唔例外🤣依三只牛读作「奔」，解作众牛奔走之意。位于铜锣湾希慎附近，由台湾人主理，总厨更大有来头曾于前总统马英九的官邸作宴会厨师。装潢有格调室内环境几大几舒服，以铜锣湾区来说价钱合理唔算好贵因为食物都有返咁上下质素，系小编暂时近期食过嘅一间高质台式料理店。💛黄店认证：9.30派饮品同提供休息地方比手足及清洗伤口👓犇之三宝面 $86牛筋2旧牛腩3旧牛肚2旧，牛份量听落唔算多但其实食落都好大碗加埋萝卜，每样都入味有咬口，汤底牛味香浓明显唔系味精味汤，汤头用牛骨、台湾酱油及蔬菜熬制足六小时。用咗台湾面，系粗面不过汤面熝得稍微有少少淋，不过整体都系好食嘅😚评分：8.5/10👓麻辣牛肉干拌面（汁另上) $68用咗粗面，面质弹牙好食。有青瓜丝和大量牛腱丝好足料。麻辣汁都有中辣程度，不过落咗系好食好多倍，味道变得香辣惹味。评分：8/10⭐️比较喜欢食粗面嘅拌面，觉得有口感啲，而餐厅亦有一包包嘅散装拌面可以买走，有葱油、担担面、麻酱、麻辣味道，不过外带包装系幼面而唔系粗面，酱料味道都一般，觉得冇需要特登买来试😗👓宜兰盐酥鸡卤肉饭 $72卤肉汁够入味，同卤肉份量刚好黎捞
位于铜锣湾希慎附近，由台湾人主理，总厨更大有来头曾于前总统马英九的官邸作宴会厨师。装潢有格调室内环境几大几舒服，以铜锣湾区来说价钱合理唔算好贵因为食物都有返咁上下质素，系小编暂时近期食过嘅一间高质台式料理店。
💛黄店认证：9.30派饮品同提供休息地方比手足及清洗伤口
👓犇之三宝面 $86牛筋2旧牛腩3旧牛肚2旧，牛份量听落唔算多但其实食落都好大碗加埋萝卜，每样都入味有咬口，汤底牛味香浓明显唔系味精味汤，汤头用牛骨、台湾酱油及蔬菜熬制足六小时。用咗台湾面，系粗面不过汤面熝得稍微有少少淋，不过整体都系好食嘅😚
评分：8.5/10
👓麻辣牛肉干拌面（汁另上) $68用咗粗面，面质弹牙好食。有青瓜丝和大量牛腱丝好足料。麻辣汁都有中辣程度，不过落咗系好食好多倍，味道变得香辣惹味。
评分：8/10
⭐️比较喜欢食粗面嘅拌面，觉得有口感啲，而餐厅亦有一包包嘅散装拌面可以买走，有葱油、担担面、麻酱、麻辣味道，不过外带包装系幼面而唔系粗面，酱料味道都一般，觉得冇需要特登买来试😗
👓宜兰盐酥鸡卤肉饭 $72卤肉汁够入味，同卤肉份量刚好黎捞饭食，唔会剩系得瘦肉粒好干身，唔油腻，吾会全部肥膏，真系肥瘦均匀肉质淋，后来得悉原来用了每只猪珍量的猪肩颈肉。饭粒粒分明唔会过于湿身黏口。但只蛋系好普通嘅实心蛋而不是溏心蛋，少失色。
盐酥鸡炸得香脆皮又唔厚，肉质嫩滑，调味几好够咸，唔算系好迷你嘅鸡粒，约有八旧。
评分：8/10（盐酥鸡8分）
👓师大香酥排骨卤肉饭 $72排骨好大块，但佢唔系油炸果种酥脆排骨而系香煎果种，小编觉得反而冇咁热气不过始终有人会比较钟意粉浆脆炸𠮶种排骨。肉质普通，面头沈上黑椒等调味料所以都好够味，整体上正常发挥唔算特别好出色。
评分：7.5/10 (排骨7分)
👓眷村牛肉卷葱饼 $48葱饼皮略嫌冻有少少变硬左唔够饼皮嘅松软，同埋佢系葱油饼所以个饼皮有少少厚度而唔系蛋饼薄饼𠮶种薄薄的。馅料系牛腱丝、青瓜和酸菜，不过觉得材料嘅味道唔太夹，虽然咸酸菜系师傅自家制，但酸菜酸嘅味道盖过咗葱饼嘅葱油味，走酸菜会好食好多🤧材料系好足料爆馅， 所以食落口感丰富饱满。
评分：7/10
张贴
