火之神

营业中

休息中

今日约咗朋友喺佢公司附近食饭,佢介绍咗呢间餐厅，睇落冇咩好特别但系不断客人络绎不绝。食物真系好食，果然朋友推介系有原因。我就拣咗个日式咖哩吉列猪扒蛋包饭。呢个餐看似普通但系佢嘅吉列猪扒实在做得出色，外皮够酥脆，入面猪扒好味道，够厚又唔鞋，而且蛋包饭嘅蛋非常嫩滑，一大片闪令令嘅黄色蛋，睇到都流晒口水。比佢嘅炸物吸引左，另外再要左份洋葱圈，同样香脆可口，今餐真系邪恶又好味。朋友拣左罗宋汤扁意粉同唐扬鸡块。唐扬鸡块嘅鸡肉非常之嫩，亦都炸到非常香脆，唐扬口感又同吉列唔同，不过两样都好食。 罗宋汤味道香浓，满满鲜茄味道，加左好配料烹调，扁意粉食落更挂汤汁，正！