明記 • 潮鍋 (已結業)

屋企人都好钟意食海鲜，所以我哋特登book咗明记‧潮锅同屋企人一齐嚟试吓。当日我哋12点半入座，环境干净企理，座位阔落。店员都好用心介绍有咩好食。我哋最后拣咗精选海鲜套餐A同B，另外仲单点咗其他嘢。汤底方面，我哋选咗招牌卤水汤底同胡椒猪骨汤，两个汤底都好够味，又唔会太浓，抢咗食材嘅鲜味。饮品方面，屋企人话咗佢嘅巨型冻柠茶，有个熊仔头冰块，屋企人一见到就系咁打卡 XD佢哋嘅刺身同海鲜摆盘好靓，D海鲜仲好生猛，屋企人仲话佢用嘅海鲜都系靓野，食到好开心！单点食材方面，我哋叫咗油炸鬼、鹅肠、黑柏叶杂锦菜盘、杂锦菌盘、韭菜饺等。啱啱提到，屋企人特别大赞佢嘅虾滑、鲮鱼滑，话好新鲜好弹牙！总结嚟讲，明记‧潮锅系一间非常适合屋企人聚餐嘅海鲜火锅店，食材新鲜，环境舒适，服务体贴！特别一提，佢有几款辣椒油拣，岩哂钟意食辣既朋友！最后4人埋单折埋就$1300，我觉得计返同出面放题差唔多，但D食材就高质好多！