影片
更多
2024-05-10
119 浏览
Wake up bistro 位于联和墟，门口有一种香港风情，以旧式鱼市场主题，好有风味。里面有户外枱凳可以坐露天，而且系pets friendly!餐厅仲有提供汪汪餐，有养狗嘅朋友仔可以带埋小毛孩去一齐食餐好嘅～先讲宠物餐，食咗个鱼肉B餐，毛孩食得超滋味！1分钟就已经食晒全兜饭，食到舔舔脷😋餐嘅营养都平衡得好好，睇一睇材料除咗蛋白质仲加咗好多蔬菜，兼顾到狗狗嘅健康。人类嘅膳食亦都非常优秀！吉列猪扒饭炸得外脆内软，外面干爽唔会太油腻，炸粉唔会太厚恰到好处，里面嘅肉汁仍然锁住，嫩滑弹牙，用嚟送饭一流！个人觉得羊架系最好味，大大支肉带少少肥膏，唔会太腻之余羊油好香，亦都唔会觉得好膻，肉质鲜嫩口感丰富，黐住骨嘅筋位仲好有咬口，食到欲罢不能😍肉眼扒大大块好有牛味，有嚼劲得嚟唔会太烟韧，烧五至七成熟最保持肉质又唔怕太生唔卫生，加埋餐厅嘅秘制酱汁，钟意牛扒嘅朋友必试！总括而言，店内无论系宠物餐定系人餐都好出色，价钱合理有餐有饮品仲有餐汤，钟意可以食埋甜品，香蕉pancake都做得好好味～推介大家尤其养宠物嘅你可以试吓wake up bistro!
先讲宠物餐，食咗个鱼肉B餐，毛孩食得超滋味！1分钟就已经食晒全兜饭，食到舔舔脷😋餐嘅营养都平衡得好好，睇一睇材料除咗蛋白质仲加咗好多蔬菜，兼顾到狗狗嘅健康。
人类嘅膳食亦都非常优秀！吉列猪扒饭炸得外脆内软，外面干爽唔会太油腻，炸粉唔会太厚恰到好处，里面嘅肉汁仍然锁住，嫩滑弹牙，用嚟送饭一流！
个人觉得羊架系最好味，大大支肉带少少肥膏，唔会太腻之余羊油好香，亦都唔会觉得好膻，肉质鲜嫩口感丰富，黐住骨嘅筋位仲好有咬口，食到欲罢不能😍
肉眼扒大大块好有牛味，有嚼劲得嚟唔会太烟韧，烧五至七成熟最保持肉质又唔怕太生唔卫生，加埋餐厅嘅秘制酱汁，钟意牛扒嘅朋友必试！
总括而言，店内无论系宠物餐定系人餐都好出色，价钱合理有餐有饮品仲有餐汤，钟意可以食埋甜品，香蕉pancake都做得好好味～推介大家尤其养宠物嘅你可以试吓wake up bistro!
张贴
