柏斯意大利餐廳 (已結業)

无花果啤梨蜜糖沙律($128)无花果好新鲜清甜，啤梨亦都好甜，比较少食到用蜜糖而唔系黑醋既沙律，全份沙律用既配料都好夹，食落清清地，做前菜岩晒。-黑松露鸡肉卷配鹅肝($238)当天既厨师推介，卖相同味道都好有惊喜，烟肉卷住鸡肉，中间仲包左大量黑松露酱，上面仲有一大旧鹅肝，配埋厨师自煮既牛油汁。食落鸡肉好嫩，每啖都夹埋鹅肝食，味香而唔腻，正！-心太软配薄荷碎朱古力雪糕($78)心太软流心唔算澎湃，不过朱古力味好浓，食落好满足，旁边既雪糕系薄荷味，唔系一般甜品店叫开货个种味，食落相当薄荷，配埋心太软食就可以中和返朱古力既腻。坐外面既环境都好好，大声啲讲野都唔怕。