孖寶 (已結業)

又揾野食，呢间帮衬过2次，今日第3次，就写下佢啦。今日食纽西兰肉眼扒配意粉黑椒汁（$98），7成熟。先送上餐汤同包，系南瓜浓汤，我对南瓜有点抗拒所以唔评论。包系香草包+一支breadstick，唔错香草味几特别。 等左一段时间，终于上主菜喇。试下块扒先，咦，有惊喜㖞，以7成熟黎讲佢煎得刚刚好，唔韧，我好怕太生有血水或太熟咬唔开，肉味唔算浓，但绝对可以接受，意粉系扁意粉我钟意，不过可惜味道比较淡失色左少少，但将牛扒放在意粉上一同放入口就刚刚好。饮品方面，佢有好几款咖啡同花茶可以选择，有诚意，我叫左冻mocha，我好少饮咖啡但觉得唔太甜几好。有诚意，会再帮衬佢