Cafe Paradise (已結業)

之前朋友向我推介过呢间小店，话好好食，所以我今次都专登黎试下，冇失望，真系好好食Cafe Paradise 系太子有两间分店，两间都好近地铁站，好方便。黎到门口就已经觉得好有特色，有个旋转木马做装饰，入到去，虽然地方唔大，但好舒服，仲有柴犬公仔可以比你玩添，超得意。如果想黎食嘅话，最好订定位，因为都几多人，呢到晚餐分两个时段，18:00-20:15/ 20:15-22:30，不过两个时段都几full。食物选择都唔少，可以拣dinner set ，或者可以系餐牌到拣意粉转左set 都得。一坐低就会有服务员介绍下可以点叫同有咩好食，而我同朋友就叫左一个猪手，一个烟三文鱼蚬肉天使面，跟set 就会有埋餐汤、沙津、餐饮同甜品。餐汤同餐饮就不过不失啦，沙津就可能因为我唔系咁钟意食呢款菜，所以就觉得麻麻地不过主菜真系好好食，只猪手即叫只整，所以要等得耐少少，但系好值得，因为真系脆卜卜，又厚肉，下面仲有啲薯蓉、配菜。服务员仲有教你点切先会容易啲，服务好好个意粉好有忌廉味，蚬肉亦都冇沙，好正睇落去好似份量唔算多，但两个人绝对食得饱，如果怕唔够就可以叫两个set，不过我地叫左一个set 加一个散叫已经够